மனிதன் ஒரு சமூக விலங்கு"

"மனிதன் ஒரு சமூக விலங்கு"

ஒவ்வொரு மனிதனுக்கும் ஒரு கருத்து, நிலைப்பாடு இருக்கும். அவ்வாறு உலகில் உள்ள சுமா 740 கோடி பேரிடமும் 740 கோடி கருத்து வேறுபாடுகள் இருக்கும். 100% விடயங்களிலும்100% ஒத்தக் கருத்து உடைய இரண்டு பேர் உலகத்தில் இல்லை.
ஆனாலும், மற்ற விலங்குகளை போன்று மனிதர்களால் தனியாக வாழ முடியாது என்பதால் - ஒன்றுக்கு மேற்பட்ட மனிதர்கள், பெரும்பாலான கருத்துகளில் உடன்பட்டும், ஒருசில கருத்துகளில் உடன்பட மறுத்தும் - சகிப்புத்தன்மையுடன் மனிதர்கள் கூட்டமாக வாழ்கிறார்கள்!

உலகம், நாடு, மதம், சாதி, கிராமம், குடும்பம் என்கிற எல்லா சமூக அமைப்புகளும் அப்படித்தான் நீடிக்கின்றன. அரசியல் கட்சியும் அப்படிப்பட்ட, ஒத்து இயங்கும் ஒரு அமைப்புதான். மனிதர்கள் கூட்டாக இயங்கும் எல்லாமும் 'பெரும்பாலான கருத்துகளில் உடன்பட்டும், உடன்பட முடியாத சில கருத்துகளை சகித்துக்கொண்டும்' வாழும் அமைப்புதான்!